前老闆劉華拍片撑張頴康 粉絲讚有情有義

一向樂於提攜後輩的劉德華，早前拍片向今年在電視圈成績大躍進的前下屬張頴康送暖，寄語他要繼續堅持走自己的路，除了阿康深深被感動外，華仔的有情有義更贏盡民心。不少網友大讚他適時鼓勵阿康是難得好老闆；高喊這位民間特首名不虛傳！

入行16年的張頴康上月底揚威《TVB馬來西亞星光薈萃頒獎典禮2016》，拿下「最喜愛TVB飛躍進步男藝員」。他在台上主動提及前老闆華仔，全因他於10年前獲華仔引薦下才有機會加盟TVB：「我好多謝佢，當年佢叫我入TVB要踏踏實實工作，我真係有做得到，我有用心做戲。」

感謝華仔帶入行

無綫娛樂新聞台日前邀得華仔拍片向這位舊下屬送暖：「由你入TVB學習到而家，我一部一部戲見到你進步，頒呢個獎畀你係應該，不用太介意提劉德華，提我係我的驕傲，希望未來日子你會發光發亮，堅持，我支持你！」阿康前日亦於官方FB上載華仔的鼓勵片段，兼發文感謝恩師，直言睇完短片好感動，他說：「因為我估唔到呢十年嚟，原來華哥一直有留意我嘅動向！我係一個非常之幸運嘅演員，因為我有一個咁好嘅老闆帶我起步。」至於網友也一面倒Like爆華仔是對舊員工不離不棄的好老闆，直指片段賺人熱淚，非常感人。

撰文：Steven、Pat

協力：Constance

編輯：黃寶恩

插圖：何樂

設計：Simon