約舊愛食飯慶功 袁偉豪唔敢提復合

袁偉豪（Ben）憑《城寨英雄》「牙佬」一角贏得「最受歡迎電視男角色」，在無綫捱了多年的他，得獎後獲不少人祝賀。不過Ben最興奮的，想必是收到舊愛岑杏賢的短訊祝賀，早前有傳Ben有意向女方重新展開追求，他亦事先張揚會邀請前度食飯慶祝奪獎。

袁偉豪被問到公開多謝前女友岑杏賢（Jennifer）是否想箍煲？他表示：「我都有多謝好多人，三年嘅感情入面佢支持我好多，呢個獎佢都有份，（趁機提出復合？）我冇咁講過，暫時唔諗呢啲，男人以工作為先，大家都係朋友，希望大家畀啲空間，（約Jennifer一齊慶祝？）都要擇個日，因為依家開緊《使徒行者2》，食飯幾時都得，如果遲啲喺街見到我同Jennifer，請大家高抬貴手。」他又透露Jennifer已發短訊祝賀。

王君馨大除夕約香香

王君馨（Grace）亦憑《城》的「花曼」一角奪得「最受歡迎電視女角色」，負責頒獎的宣萱更興奮得大力錫落Grace塊面，她形容這是good luck kiss。提到未來老公，Grace笑言他身在美國，時差關係應該已入睡，稍後她返紐約再一齊慶祝。

Grace為出席頒獎禮而錯過好姊妹岑麗香的婚禮，Grace說：「香香都話好想我去，佢話知道我放咗好多心機喺工作上面，攞到獎就係最大嘅結婚禮物。」Grace透露大除夕會與香香一齊出席倒數活動。

撰文：Pauline

編輯：林梓添

攝影：林良明

設計：梁政敏