台慶呆坐成焦點 馬明自抽明年玩雜技

無綫台慶頒獎禮星期日晚曲終人散，除眾得獎者外，台下的馬國明繼當年天然呆備受矚目，今年「重施故技」，當宣布陳展鵬奪視帝一刻，身旁的馬國明又再呆坐着。

馬明與徐子珊昨日為港鐵擔任活動嘉賓，談到陳展鵬奪視帝時，眾藝人都站起來拍掌祝賀，惟獨馬明依然「天然呆」繼續坐，此舉更被網民取笑他是否之前做義工太攰，馬明連忙解釋：「唔係太攰，根本我就坐喺展鵬隔籬，宣布完我已經同佢握手恭喜咗佢，再起身好似太刻意，起身又攬，兩個麻甩佬唔係咁好嘛！」

談到郭晉安失落視帝，觀眾都替他不值。馬明卻認為：「展鵬得獎都好合理，安仔攞過三次，不論攞一次、兩次抑或三次都係嗰個級數。」馬明續稱誰得獎都替對方開心，而自己就當出席party一樣。

提到行紅地氈時拖唐詩詠出場，馬明笑說：「呢個係公司安排，唔好太敏感啦，城城（洪永城）唔開心就唔好啦！」

子珊赴美掘金

另外，子珊最近經常到內地賺人仔，聖誕節到芝加哥登台，笑她賺完人仔又賺美金，她笑言工作都是收港元。子珊強調沒有說過不再拍劇，更透露之前無綫都斟過她拍劇，可惜時間上配合不到才推掉，惟有下次再合作。

採訪：Pauline

攝影：林良明

編輯：林梓添

設計：梁政敏