太古城登熱氣球 180度升空拍照

聖誕佳節係同親友相聚嘅時間，點可以只掛住低頭望手機？太古城中心搞咗個好有意思嘅「LOOK UP LIVE HAPPY熊天而降樂聖誕」活動，商場內布置咗好多繽紛嘅大型熱氣球，仲有近50隻趣致生動嘅小熊造型裝置，鼓勵大家放低手機，抬頭望美景同陪下身邊嘅人。

最吸睛嘅喺商場二樓中庭嘅10米高大型氣球音樂盒裝置，隔籬嗰個巨型氣球更內有乾坤，有高科技「180°升空狂『相』曲」，提供180度動態全景拍攝，利用14個環迴小鏡頭，用超廣角技術、多角度同步捕捉賓客嘅笑容和動作，製作成動感滿分嘅全景gif圖，留下獨特回憶！只需喺影相前填寫電郵地址，就會獲發相片副本，等你上載到社交平台分享，加埋指定hashtag仲可獲贈禮品！