【聲明】港生活網站並無進行電話推廣活動

皇帝大婚有幾隆重? $20入場睇國寶級禮服

發佈時間: 2016/12/30

有追開宮廷劇的姊妹們對清朝婚禮的墟冚埸面一定唔陌生,依家就有機會認識真‧清帝大婚,由即日起至出年2月27日,可以去沙田嘅文化博物館睇「香港賽馬會呈獻系列:宮囍-清帝大婚慶典」,畀20元入場費探究下電視做嘅有幾多分係真、有幾多分係假呢?

開幕禮當日有唔少重量級人馬坐鎮,包括政務司司長林鄭月娥女士、馬會副主席周永健等等。林鄭當時話香港係一個融合古今、匯聚中西的國際大都會,希望將海內外的文化藝術帶到香港。

聽講展館有153組、由故宮博物院珍藏嘅大婚文物,畀觀眾認識清帝大婚嘅禮儀,重點展物包括金龍紐「皇后之寶」印章、光緒皇帝大婚時着嘅雙喜金龍紋袍服、滿族嫁娶時使用嘅多穆壺等。

融合中原與滿族文化

清代皇帝大婚可以話係文化融合嘅先河,禮儀沿襲中原婚禮嘅傳統禮儀,亦融合滿族嘅文化習俗,例如納釆禮、大徵禮、冊立禮、奉迎禮、合巹禮和筵宴禮等等,全部都充分展示帝王至高無上嘅權威。

此外,仲有首次來港展出的《載湉大婚典禮全圖冊》!圖冊將光緒皇帝大婚嘅過程描繪得既準確又精細,等觀眾可以感受嘅皇帝大婚隆重莊嚴嘅氣氛。有興趣去睇嘅姊妹,記得mark定schedule喇!

撰文: 黛安 消息特靈八卦公關
欄名: 八卦名利場