迎接2017 倒數熱點大放送

好快2016年就完結喇，諗好咗去邊倒數未呢？黛安知道有幾個商場都會搞倒數活動，大家不妨參詳下！

沙田新城市廣場就請咗3位資深馬戲團特技高手，表演空中飛躍、彈跳同翻觔斗等高難度雜技迎新歲。

覺得太刺激的話，不妨考慮鑽石山荷里活廣場及銅鑼灣世貿中心，就請咗群星表演兼倒數，荷里活廣場請咗王浩信同太太陳自瑤、陳凱琳等到場，而世貿中心除咗搵王君馨及吳業坤等同市民見面，仲請咗韓劇《請回答1988》嘅Oppa高庚杓訪港，應該會幾熱鬧！

至於傳統倒數勝地時代廣場，明日下午開始會舉行華麗派對，有表演睇之餘，仲會派發倒數派對用品，同市民載歌載舞迎2017！