陳展鵬《勁歌》咪嘴唱得獎歌 網民︰樂壇敲喪鐘

陳展鵬前晚在本年度樂壇最後一張成績表《2016年度勁歌金曲頒獎典禮》中，以非職業歌手身份連奪多個音樂獎項確係威，可惜他竟然咪嘴上陣，不少網民議論紛紛，質疑他憑甚麼獲獎，但亦有網民讚做過歌手的他唱功好過不少歌星。

前晚《勁歌》頒獎禮由張敬軒及容祖兒奪得最受歡迎男、女歌星，而「無綫契仔」李克勤去年約滿環球過檔英皇後，即憑一曲《一個都不能少》獲頒金曲金獎。由於祖兒和克勤於頒獎禮當晚身在湛江開騷，無綫就特意派出區永權速遞獎項到當地給二人，更直播整個頒獎過程，誠意十足。

聽唔到噓聲

不過前晚頒獎禮最具爭議性的，是去年憑電視劇《城寨英雄》人氣急升兼榮登視帝的陳展鵬。他除了與視后緋聞女友胡定欣合唱的《從未知道你最好》獲得最佳合唱歌曲獎（金獎）及金曲獎外，又憑獨唱歌《誰可改變》再獲金曲獎，絕對是豐收的一年。可惜他唱《誰可改變》時咪嘴，結果被大批網民圍剿，直斥他咪嘴獻唱，不如不要唱；不過亦有網民撑展鵬，大讚他歌喉好過很多歌星。

事後展鵬直認近日忙拍劇，沒時間背歌詞才選擇咪嘴︰「演員攞音樂獎項係有啲尷尬。今（前）晚全部都係歌手，咁我係演員，我諗觀眾會明，不過呢度係TVB，所以唔使解釋太多。（攞獎時聽到有噓聲？）邊個噓我？聽唔到，其實噓都係啱，自己都好意外！」

至於第三度奪「最受歡迎男歌星」的軒仔，在台上致謝時表示︰「呢個獎對我來講係寄望多於肯定，多謝歌迷陪我好多年，有啲由讀書到做咗人父母，呢幾日喺網上聽到好多唔同聲音，係好好的鞭策力量，希望大家做好音樂。」

撰文︰Pat、Iris

協力︰Jenni

編輯︰黃寶恩

插圖︰何樂

設計︰梁政敏