林作出書教追女仔 麥明詩：佢有寫作自由

數十位TVB藝員昨早現身大球場參與「公益金百萬行」慈善活動，麥明詩舊愛林作推出英文書教追女仔，她坦言不打算制止對方爆情史。

麥明詩受訪時稱：「我唔係咁易追㗎，雖然我啲口味有啲奇怪，時下年輕男女都注重愛情，佢（林作）都係想用呢個方法讓大家睇多啲英文。（可有提醒林作唔好寫你？）唔會限制佢嘅寫作自由，佢有分寸識得寫正面嘢，又唔使去避忌之前發生過嘅事，始終過去都係回憶一部分。」

拍劇向來易惹緋聞，麥明詩下月將於新劇《跨世代》與余德丞合演情侶，二人更有咀戲，但她不擔心因此傳緋聞。追問她可會希望快些有新戀情，以治療與林作的情傷？她續說︰「一個去冚一個係好差嘅情況，會令情緒更混亂，目前心情尚未平復。（何時平復？）好難喎，訪問成日都講起（林作）。」

撰文︰Pauline

編輯：陳禮恒

設計：梁政敏