傳與許廷鏗不和 坤哥拒認紅咗唔識人

吳業坤（坤哥）人紅是非多，今年在四台頒獎禮上再贏大獎，不過有指他紅咗唔識人，與昔日一班「巨聲幫」戰友劃清界綫，只黐住一綫歌手合照。

坤哥昨早於沙田出席賽跑活動，挑戰三公里賽事。坤哥跑畢後喘大氣，但主動提起前晚《勁歌金曲頒獎典禮》後與鄭世豪等聚餐慶功，「返去粧都無落就瞓咗一陣，之後就過嚟！」他笑言賽事期間曾打算原路折返，不過獲不少途人打氣，幸最終都沒有放棄。

Alfred承認講漏多謝

提到許廷鏗（Alfred）在頒獎禮中多謝眾「巨聲幫」，獨欠多謝他，坤哥連忙打圓場說︰「唔止我，因為台下不斷圈佢。以往佢喺台上都提過我，大家唔會計較咁多，平時Group Chat都有傾偈。」近日屢次被傳與人不和的坤哥，又主動向鄧小巧隔空「耍冧」，事關對方日前指他應承請食飯又無咗件事，坤哥表示今次正好讓他改善自己的壞習慣。

此外，許廷鏗昨日出席商場新春活動時，被問到上台時沒有多謝坤哥，Alfred即說︰「瀨咗嘢，嗰日講感謝時好多人都漏咗，只係佢個名比較敏感。」他承認最近忙於工作少見面，不過就為好友澄清對方態度沒有囂張。

撰文︰Pauline

編輯︰林梓添

設計︰梁政敏