澳門拍戲無申請需助查 嘉穎警署當飯堂

鄭嘉穎日前赴澳門拍陳果執導的新片《九龍不敗》，期間因未向當地申請拍攝，因此劇組共十多人被帶回警局調查。不過，嘉穎和陳果在助查期間的待遇似乎各有不同，陳果與攝製隊均被沒收手機，反而嘉穎除了有咖喱雞飯，還讓他在梳化床小睡片刻，真的是同人唔同命。

鄭嘉穎和陳果在澳門協助調查後，昨日《九龍不敗》到何文田一間學校拍外景。問嘉穎被帶返警署可有擔心過？他輕鬆表示一點也不擔心，還笑說︰「我喺入面好似canteen咁休息，我仲喺裏面瞓咗個覺。」嘉穎更透露最初警方只是搵導演，後來邀請埋他返署協助調查。在旁的陳果立刻表示已非首次，之前在街拍攝都試過被帶返署，他自嘲︰「我惹火吖嘛！」

再申請批文拍攝

問到嘉穎被帶返警署助查期間，女友陳凱琳可有擔心？嘉穎即表示︰「無，都通知咗佢，話畀佢知咩事。（女友有無呵番你？）唔好講呢啲啦，最緊要係解決件事，同埋件事已經解決咗。」

陳果表示整件事最唔好意思是影響到一眾演員，還說欠嘉穎一餐飯。他強調在澳門協助調查事件未有影響拍攝進度，只是擔心演員檔期，他承認當日偷拍的一個「踩界鏡頭」需要刪除，另外稍後到澳門拍攝要再申請批文，目前尚欠一日外景及一日室內拍攝就完成澳門戲份。

問到事件是否已告一段落？陳果謂已收到警方通知事件已圓滿結束。下次會否小心一點？他稱︰「總之盡量按本子辦事，但偶爾都會踩過界。其實全世界導演都有咁嘅情況，但係會申請囉。」

採訪︰Pauline

攝影︰林良明

編輯︰林梓添

設計︰梁政敏