環保利市封 用完可種花

每年收利巿除咗在乎個「餡」，最頭痛都係點樣處理啲靚靚利巿封。丟咗佢唔環保，收埋又唔知有乜用喎！好彩近年香港環保意識抬頭，好多商場設計利巿封時都有花過心思！黛安精選咗幾款睇得仲「種得」嘅利巿封，仲唔人人封得安心，收得開心？

想過好年，豐衣足食自然最緊要。港鐵旗下商場出咗款「衣食豐屋利市封」，除無用自動粘貼方便重用，仲可以剪開個內封套，將個利巿封「變身」做花卉圖案嘅摺紙，成套可以變出32種花式，真係睇得又擺得！

太古廣場就出咗款「種子利巿封」，設計師好有心思將菊花種子滲入利巿封，只要將利巿封撕碎再用水浸軟，然後放入花盤，就可種出一株株靚菊花了。設計師仲透露，菊花可有效淨化室內空氣，吸口氣都清新啲。

之前綠領行動項目經理羅敬文都講過，利巿封可唔可以再重用，個圖案都好緊要架。Fashion Walk推出的「招褔貓」利巿封，就將12生肖同貓咪夾埋賣萌，方便重用。海港城都出咗款用水做主題的利巿封，襯埋福氣錦鯉圖案，「年年有魚」仲年年啱用添！真係要畀個讚！