新劇升呢女一 高海寧「半祼」倒吊犧牲大

高海寧（高Ling）在無綫多年，一直只是飾演二綫角色，終於在新劇《抱佣情人》中擔正「女一」，不過就要為藝術犧牲色相，又要冬天拍落水戲，雖然如此，高Ling表示不介意，更會盡力做到最好。

高海寧、楊明、黃德斌等昨日在將軍澳電視城出席新劇《抱佣情人》拜神儀式。首次擔任「女一」的高海寧直言壓力大，更從未試過長時間開廠拍攝，令她心情非常緊張，她說︰「劇入面我飾演女強人，好cool，成日鬧人，仲要keep住個energy。」

高Ling要在新劇中犧牲色相，既要被搣屁股，還要「半祼」倒吊在樹上，甚至要在天寒地凍拍落水戲，問她可覺得犧牲很大？她笑謂︰「劇情需要都要作出犧牲，暫時未知嗰幾場戲會點拍，搣PatPat戲會用紙尿片墊底，至於倒吊戲因劇情描述我半裸，所以會close up大露背。」她笑言相對這幾場戲，咀戲已變成小兒科的動作戲。

楊明演地產狂人嗌不停

楊明在劇中擔演「男一」，飾演地產狂人，跟高Ling一樣，今次肩負「男一」感到很大壓力，為此開工前花了不少時間揣摩角色，他說︰「角色情緒好高漲，不時會狂嗌，拍之前會聽Jazz，等腎上腺上升，保持高漲情緒。」他自爆與高Ling有咀戲，兩人更已溝通過。

此外，談到女友莊思明在網上被問價，楊明笑說︰「正呀！我都喺網上問緊嗰個人，叫佢問我價，開莊思明200萬，我希望有300萬，我有本事賺，等我幾拳搞掂佢啦。唉！網上就係有啲咁無聊嘅人。」

撰文︰Pauline

編輯︰黃寶恩

設計︰招潤洪