黛安
黛安

搭長途機又攰又殘? 國泰教3招美肌貼士

發佈時間: 2017/01/25

搭長途機又攰又殘? 國泰教3招美肌貼士

早排黛安出trip坐國泰,喺機上睇咗最新一期《Discover the Shop》,除咗有空姐分享搭飛機小貼士,其中仲有一欄「發現生活」系列,介紹如何於旅程中玩得更健康、對抗長途機及調節時差,黛安都特登寫低啲notes,尤其以下3招寧舍啱使!首先長途飛行前通常好興奮,未能好好休息,可先用香薰按摩油輕輕按壓頭部,上機就能放鬆;降落前亦可用具提神作用嘅香氛,例如蘊含粉紅葡萄柚及杜松子精油,精神奕奕地抵達目的地。其次,有時喺機艙內長時間睇戲或睇書,對眼會好乾,本書教路可以搽眼部精華液後,再用眼部按摩器緩解壓力、減淡浮腫。第三,面部補濕都好重要,乘客唔好上咗機先敷mask,原來上機前食用美肌補充劑仲有效,部分產品喺國泰嘅機上都買得到。真係收到晒,以後要飛得靚,都完全無難度!

撰文: 黛安 消息特靈八卦公關
欄名: 八卦名利場