安仔孖4隊Band開騷 自嘲上錯賊船

許志安與Dear Jane、RubberBand、Supper Moment及觸執毛四支樂隊，前晚在會展舉行音樂會，眾人演繹多首hit歌之餘，安仔更罕有地邊彈結他、邊唱出《我的天我的歌》，技驚四座。

完騷後安仔率領四隊band主音一起受訪，安仔表示原班人馬再開騷有難度，但仍希望每年都可以搞同類騷，他說︰「可能下次係Dear Jane做重心，搵一啲佢想搵嘅歌手或band，將件事每年搞一次，咁就可以承傳呢份精神。」

觸執毛主音阿水則提議，每年搞個「安Festival」，安仔即笑言︰「今次上咗賊船，但ok嘅，好enjoy，今次算係史無前例，我哋會互唱大家嘅歌。（記歌詞有無困難？）難呀，所以重新學習，呢個星期我成日喺屋企好似鬼上身咁，我隻狗都望住我，半夜三點突然練歌。」

鄭秀文Po相賀父母受洗

此外，許太鄭秀文（Sammi）前日就在IG上載年近80歲的父母在家中進行洗禮儀式後的照片。不過，Sammi隨後刪除照片，改發父親相片，她寫道︰「媽媽是個非常內斂也極害怕上鏡的家庭主婦，故此這刻我只放父親的照片了。」她指父母親能夠信主，是她人生重大的快樂，又表示雙親信主的過程雖然漫長，但有心不怕遲，鼓勵別人不要輕言放棄。

撰文︰Pauline

編輯︰林梓添

設計︰招潤洪