林海峰為《小3》度身填詞

賀歲片《小男人週記3之吾家有喜》正式上映，日前官方FB發布了林海峰主唱的主題曲MV《你你你引致我震盪》。MV內容是《小3》的幕後爆笑花絮，包括近日熱爆網上的「橄欖」偷情，配以林海峰全新包裝的填詞，堪稱為鄭丹瑞（旦哥）及鄧月平（Larine）這對戲中父女度身訂做。旦哥表示︰「唔怕認叻講句，如果我鄭丹瑞係80年代嘅legend，軟硬或者林海峰一定係90年代，我成日都希望有機會crossover，既然呢次係我自把自為，咁我就親自打電話畀佢，佢二話不說就寫咗呢首歌。」