【聲明】港生活網站並無進行電話推廣活動

迪士尼歡度情人節 Duffy精品贈愛侶

發佈時間: 2017/02/02

情人節就快到喇,諗到去邊度慶祝未?黛安留意到香港迪士尼樂園,已經為大家準備好一連串貼心的活動,公關姊妹透露,樂園推出超過20款情人節主題精品,大部分係以迪士尼小熊Duffy、ShellieMay、Gelatoni為主題,可愛到極,女仔見到一定忍唔住尖叫!

身為有風度的男士們,買完公仔氹另一半,到美國小鎮大街買埋一束束精緻的Tsum Tsum小花,再喺睡公主城堡前同愛侶合照,留下甜蜜印記,必定加分。慶祝情人節點可以缺少浪漫晚上及燈光滙演呢,入夜後樂園的「迪士尼光影匯」將會以輕快的歌曲伴奏,帶領7組的主題花車,再配上超過74萬粒獨立LED燈,放閃程度簡直爆燈呀!欣賞完精采滙演同煙花,記得到酒店品嘗情人節特色美食,過一個溫馨晚上。黛安覺得只要兩口子在一起,做咩都咁開心,預祝大家甜甜蜜蜜呀!

撰文: 黛安 消息特靈八卦公關
欄名: 八卦名利場