黎耀祥望囝囝有金髮女友

賀歲劇《財神駕到》將於下周五播大結局，昨天一班演員黎耀祥、賴慰玲及何廣沛等出席新春開年飯活動，眾演員得知上周二的收視有27.3點相當興奮，不過祥仔卻不敢奢望大結局有30點收視。

劇集收視超過27點，被指是福將的祥仔說︰「邊關事！我從來唔敢邀功，不過之前《八時入席》也試過有不錯的收視。（有無信心大結局過30點？）三點要20萬人睇呀，八點時段都好難有30點。」祥仔在新春期間與林夏薇去了美加登台，目前在美國讀書的囝囝也趁假期去探他，問到囝囝可有帶金髮美女見父母？祥仔笑言︰「佢未有咁長進，有人叫聲『father』幾好呀，我好開通嘅，最緊要後生鍾意。其實混血都幾靚，（黑妹呢？）黑都有靚嘅，我哋黎家一直都無混血，試下都好！」

賴慰玲聞得收視報捷亦感到興奮，又表示最初收到劇本時已覺得是「非一般的劇本」。她又透露新年前已物色了新居，年初五就邀請一班好友如陳瀅，陳嘉寶及陳凱琳等到家中團拜。被取笑賺到錢都要細屋搬大屋，她帶笑否認稱都是租屋住，只是新居比較開揚，環境較舒服。那是否可以帶男仔返屋企？她笑言︰「咩男仔都歡迎，陳嘉寶就帶男友嚟囉！」

何廣沛想買車

近日一劇接一劇的何廣沛表示，這陣子兩綫劇都有他，生怕觀眾會睇厭，不過作為新人而言多曝光機會是好事，最開心是多了許多搵真銀的機會，近日就接連有商場活動邀請他做嘉賓，希望儲夠錢可以買車代步。

採訪︰Pauline

攝影︰林良明

編輯︰林梓添

設計︰招潤洪