傳內地封殺《樹大招風》 林家棟望不是事實

林家棟憑電影《樹大招風》獲提名香港電影金像獎「最佳男主角」，前晚家棟出席電影首映禮，有傳《樹》片被內地列入黑名單，他坦言希望不是事實。

家棟前晚被問到入圍金像影帝的心情，他表示︰「心情平復咗少少喇，（小齊都話睇好你。）我都睇好佢㗎。」家棟不諱言希望實現「零的突破」，對於有人提議原班人馬拍《三個賊王嘅前傳》，家棟坦言能夠成事就最好不過。

提到《樹》片導演之一歐文傑因拍過《十年》，因此成為內地黑名單，而且《樹》的劇情講述三個賊王，擔心影片將會在內地轉播金像獎時「被消失」？家棟表示︰「未知喎，唔知有呢樣嘢，希望唔係啦，新人都好需要多啲機會去面對觀眾。」

未考慮加片酬

問到家棟會否憑《樹》片的口碑考慮加片酬？他打趣謂︰「唔減都偷笑啦。希望有更多好角色搵我，咁就已經足夠。」他直言近來雖沒有覺得增多了片約，反而多了網劇及幕後工作，正會考慮增加公司人手。

撰文︰Pauline

編輯︰林梓添

設計︰K