黛安
黛安

全球首場海上旗袍騷 雲頂夢號登場

發佈時間: 2017/02/16

全球首場海上旗袍騷 雲頂夢號登場

三八婦女節就到,大家諗住點慶祝?話說首個亞洲本土豪華郵輪品牌星夢郵輪,下月將在旗下郵輪「雲頂夢號」舉辦「1920上海灘流金歲月」活動,包括全球首場海上旗袍騷、專業美粧及髮型工作坊及主題派對等,黛安向來覺得旗袍好優雅,所以對今次活動都好感興趣呢!

屆時雲頂夢號會同本港裁縫店「年華時裝」合作,舉辦全球首場海上旗袍騷,船員將穿上21件旗袍亮相,並於同月每段航程選出一位旅客,只要符合裁縫大師梁清華設想嘅模特兒身形,即可獲「年華時裝」在港成立52年嘅特製手工紀念旗袍一件,真係機會難得!

另外,雲頂夢號逢星期四晚仲會邀請所有旅客穿上旗袍,參加面具舞會,同時可向北京高級時尚彩粧師江濤學習上海復古風化粧技巧;船上仲可享用上海風味套餐膳食,有得食又有得玩。

撰文: 黛安 消息特靈八卦公關
欄名: 八卦名利場