回收新春食物 千色匯轉贈基層

施比受更有福！新春佳節互相送禮，部分人囤積了不少食物在家中，黛安早前行經荃灣千色匯，原來佢哋同聖雅各福群會合作，在新春期間設置「善心磅」，讓市民捐贈包裝食物後，同時可換領限量福袋，真係好有意義呀，可以將食物轉送給有需要人士，送上暖暖祝福之餘，亦可教育小朋友同年輕人，綠色環保嘅重要性！

聖雅各福群會在收集期結束後，將所收集得嘅300多份食物，包括餅乾、麵食、小食、午餐肉等，轉送給聖雅各福群會眾膳坊食物銀行，分享佳節喜悅，成績相當唔錯，值得鼓勵！黛安希望日後多啲舉辦公益送愛嘅活動，讓大眾感受港人嘅愛心！