陳柏宇擁4000呎樓娶老婆

近日全城熱播節目《有樓萬事足》中，拜金港女Seasun一句「有樓有高潮」，更揚言沒有二千呎大屋的男士休想娶她，令她一夜「成名」；即將今年七月迎娶模特兒女友符曉薇的陳柏宇（Jason）自言，在加拿大有幢四千呎大屋，絕對有足夠條件娶老婆。

陳柏宇和周秀娜昨日出席服裝品牌活動，將於今年7月2日結婚的Jason表示已開始籌備婚禮，預算擺超過30圍酒席，至於會否請圈中人，他表示未列出名單，Jason說︰「最怕麻煩到人，又擔心佢哋嚟到婚宴發現唔係好多圈中朋友，搞到佢哋好悶，所以會交由女友話事。」問到籌備過程中可有拗撬？他笑言由自己編排，總會希望建議被接納，所以還是照order辦事就可，兩人也沒有發生過拗撬。就近日港女Seasun豪言男方要有二千呎大屋才給予追求機會，Jason笑謂︰「依家香港間屋租㗎咋，我喺加拿大間屋都有四千呎啦！如果以間屋嘅價值，喺香港可能只買到八、九百呎嘅單位。」

已與女友過了一年同居生活的Jason，計劃婚後盡快組織家庭。活動上，大會送他的Tee印有其女友和貓狗照片，他表示會將它留給將來的仔女。談到蜜月之旅，Jason預計不會是二人世界，他說︰「已經約好一大班朋友去玩，我好怕悶，如果兩個人去淨係睇下風景又無乜特別，其實係女友提出（約朋友同行），我個心都同意嘅。」

娜姐講粗口畀人笑

周秀娜（娜姐）在活動上與陳柏宇大玩kick boxing，她表示早前拍電影《女士復仇》動作戲時不慎扭到患處，由於她的角色很惡，笑言可以光明正大地講粗口，感覺相當正，問到平時是否偷偷摸摸講粗口？她說︰「工作人員一聽到我講就笑，可能好少聽我講，加上我講得唔係好自然。（好嬲都唔會講？）嬲同發自己脾氣時都會講少少，對住外人盡量唔會講。」

採訪︰Pauline

編輯：黃寶恩

設計：梁政敏