女兒1歲趕追弟妹 Jessica C.復出無期

「警鐘胸」名模Jessica C.自去年在美國為安志杰誕下女兒後，幾乎全副精神放在照顧女兒身上，做了媽咪的她更視女兒為最重要，甚至甘願拋下工作，務求將最好的都給她，因此至今仍未考慮復出。

久未露面的Jessica C.昨日與蔚雨芯一同出席餐廳新店開幕活動，以往經常性感現身的JC做了媽咪後衣着密實不少，相反蔚雨芯就「中門大開」。JC透露女兒下月底便一歲，早前聖誕、新年及農曆新年都在美國與家人度過，問她現在是否做全職媽媽？她說︰「因為Andy（安志杰）喺三至七月要拍戲，所以我要照顧個女，加上現時仲餵緊人奶，原本計劃餵到六個月大就停，但見個女愈來愈健康活潑同好動，我想將最好嘅嘢畀佢，所以依家佢想飲到幾時就幾時，唔會刻意幫佢戒。」

蔚雨芯享受單身

JC在活動上不及蔚雨芯搶鏡，她坦言未生女前會好渴望以性感打扮示人，雖然現在都不抗拒，但始終凡事都會先考慮囡囡。既然她和Andy都喜歡小朋友，何時再追多個？她說︰「希望生多一仔一女就夠，我鍾意做媽咪嘅感覺，係我最喜歡嘅工作。」她更直認已開始造人。

蔚雨芯谷胸現身相當吸睛，問她可擔心走光？她自言出場前已檢查了全身，非常穩陣，又說已一段時間沒有返港，所以要扮靚些𠱁fans開心。談到她的打扮贏了JC，蔚雨芯稱︰「我係香港女仔，佢係mix，大家唔同，喺後台我都讚佢個女好得意。（會唔會心急結婚生BB？）唔心急，我仲要學多啲嘢。」她不諱言現時有人追，只是自己還很年輕，現階段還很享受單身生活。

撰文︰Pauline

攝影︰林良明

編輯︰林梓添

設計︰K