【聲明】港生活網站並無進行電話推廣活動

中銀設養生宴 講投資教穴位按摩

發佈時間: 2017/02/27

愈來愈多人注重養生,連銀行都唔例外。話說喺香港服務大家100年嘅中銀,旗下中銀香港日前為中銀理財客人舉辦「睿智投資‧養生雅宴」,而且喺甚少對外開放嘅中銀大廈70樓舉行!當日有基金專家幫客人分析市場走勢,中銀仲好貼心照顧埋客人健康,邀請著名中醫師楊明霞講養生,即席示範養身經絡操,分享穴位養生的秘訣呀。楊醫師仲同中銀行政總廚合作,設計咗以「百」字為題嘅養生菜式,包括喺「百鳥歸巢」(蛋白龍蝦球)中加入山渣,以健脾胃、助消化;「百年同心」(鮑汁海參伴柱甫)則加入有補虛損、益精氣功效嘅蟲草花等。提提大家,為慶祝100周年紀念,中銀特別推出限量版「百年中銀紀念金牌」,手快有,手慢無,仲唔快啲訂購!

撰文: 黛安 消息特靈八卦公關
欄名: 八卦名利場