勸正面面對事件 劉松仁爆馬賽避走英國

馬賽的艷舞片搞到滿城風雨，就連年過半百的劉松仁亦被拖落水，昨日劉松仁現身機場出發往台灣拍劇時，不避嫌表示關心馬賽，指她心情仍然低落，更踢爆對方避走英國散心。

劉松仁昨日早上與汪明荃（阿姐）、方力申及岑麗香等，為無綫新劇《華麗轉身》出發到台灣拍攝外景，早前有傳馬賽傳短訊給一位年過半百的男藝人，而劉松仁是嫌疑人士之一，對於馬賽日前復工，劉松仁形容：「佢就好似基督背十字架走進苦難，但苦難入面會有得着，要睇佢自己，呢個勇氣都唔細，佢要珍惜。」他透露早前跟一眾《名媛望族》的拍檔飯聚，當中包括馬賽，他直言有關心對方，並表示：「佢今日好似去英國。（佢心情如何？）都OK，仲有少少低落，要好番需要一點時間。」劉松仁又指每個人都會犯錯，只要正面面對事件，每個人都需要關懷。

小方情挑鍾嘉欣

而今個月28日是阿姐生日，她表示：「年年都係工作中度過，上年就喺天津過。」問阿姐有何生日願望？她說：「世界和平、身體健康，再冇災難、疾病同戰爭。」不過由於老公羅家英屆時有工作在身，故不會前往探班，又指家英哥不是浪漫的人，劉松仁在旁笑言：「人會變，佢要飛容乜易。」

至於近日積極健身騷腹肌的方力申，原來是為了配合劇中在床上情挑鍾嘉欣，他笑指會在嘉欣面前震其39吋胸肌，小方表示：「我已經食咗12日水煮菜，去到台灣就會放棄，因為太多美食。」問到可有親熱戲？他笑言：「唔知係咪濕吻，總之就要錫。」

採訪：林常恩

編輯：黃寶恩

設計：鄧俊明