【聲明】港生活網站並無進行電話推廣活動

返母校義賣新碟 鄭世豪感激校友支持

發佈時間: 2017/03/07
  • 1,000次
    分享

鄭世豪從小熱愛唱歌,參加過無數歌唱比賽的他,最威水是13年於無綫《星夢傳奇》歌唱比賽獲得亞軍。近年薄有知名度的世豪,今年初自資六位數推出首張專輯《仍堅持》,他早前返母校出席校慶活動時,更順道舉行新碟義賣簽名會為母校籌款,獲得不少校友支持,令他感動不已。

世豪早前帶同太太返母校「中華基督教會扶輪中學」出席45周年校慶活動,剛巧世豪推出了首張專輯,所以決定在母校禮堂舉行新碟義賣簽名會,即引來大批校友和老師支持,場面墟冚。世豪接受訪問時表示︰「善款係來用支持教學活動,我係95-96年度畢業,相隔咁多年都有咁多老師同校友支持自己,真係好開心同感動。」其後,世豪更獻唱新歌作答謝。

唱古巨基歌攞獎

小時候參加過大大小小歌唱比賽的世豪,亦曾在校內參賽獲得亞軍,他表示︰「中四當年聖誕聯歡會舉行歌唱比賽,我膽粗粗參加,選唱咗古巨基的《愛的解釋》,贏咗仲有一份禮物𠻹!」雖然畢業已超過十年,但世豪仍經常返母校探望老師及打籃球︰「我成日都會約舊同學返去打籃球,之前仲參加咗校友籃球比賽。」

撰文︰倪小珊

編輯︰黃寶恩

設計︰梁政敏