《我瞞結婚了》 黃翠如洪永城 辦公室秘戀實錄

無綫劇《迷》周日大結局，緊接就有由黃翠如及洪永城（Tony）主演的《我瞞結婚了》，新劇不再是警匪緝兇，反而大玩辦公室地下「婚」情，這次是兩位主角繼14年《愛我請留言》後再次合作拍劇，肯定有花火。

咪以為有黃翠如和洪永城坐鎮，就以為《我瞞結婚了》一定是爆笑都市劇，監製梁材遠就自爆新劇主題貼地又嚴肅：「我想透過套劇反映下現今都市婚姻觀，事關見到近年好多都市男女，為咗買樓結婚，而選擇各式各樣嘅犧牲，反而令夢想愈離愈遠。就好似劇入面，翠如同Tony明明係夫妻，但為咗份工，決定向全世界隱瞞件事，彼此服侍嘅老闆仲要水火不容，搞到最後出現婚姻危機。」

監製又話，其實今次搵翠如和洪永城扮演夫妻，背後亦有很大的意義，「翠如同Tony係觀眾心目中嘅旅遊達人，於是設計劇中做番自己，去到劇尾佢哋走番埋一齊，寓意佢哋兩個走遍世界各地最終都係覺得對方最好，好切合我想表達嘅愛情觀。」

借保育寓愛情

除了兩位主角，就連其他角色的設計都有寓意，監製說：「傅嘉莉喺劇中，除咗係Tony嘅婚姻考驗外，佢嘅夢想係做一個水底攝影師，以海洋保育呢個命題，來比喻婚姻都需要好好保育，不應事事都將物質放在第一位。」

撰文︰張悅

編輯︰林梓添

設計︰梁政敏