分手一年再同場 小方Stephy零交流

去年三月，方力申和鄧麗欣（Stephy）發聲明結束十年情，事隔一年，昨早兩人參與《揹水一戰》挑戰15公里跑，大會安排Stephy在其排球隊員出發後做訪問，而小方和任賢齊在儀式後受訪再出發。不過兩人始終不肯合照，要拉埋小齊才肯影相。

活動上，傳媒千方百計拉攏這對過氣情人合照，雖然兩人並肩而企，卻全程貌合神離，眼神「零」交流，期間大會邀請他們和跑手拍片祝賀曹星如21連勝，他們才放鬆神情。

直認重遇好感觸

Stephy被問到與小方同場，她表示︰「大家起跑時間唔同，我早15分鐘，不過佢跑得快，應該好快過我。」之前兩年他們以情侶身份參與，今年已各走各路，會否特別感觸？Stephy稱一切順其自然。再問到兩人同時跟太陽娛樂約滿，Stephy形容與舊公司關係一直很好，目前以自由身接工作，亦有公司洽談中，希望兩個月內有定案。

連續八年參與活動的小方，今年較Stephy遲起步15分鐘，有機會在賽道上追回舊愛，他聞言後說︰「隨緣，見到咪見，今次以體驗為主。」提及兩人在台上零交流，小方直認︰「係呀！少啲囉，好真實，從來唔做戲，講嘢又唔知點咁。」提到他們在鳴槍儀式前合照，兩人分別站在活動會長左右，又不約而同搭着會長膊頭，問小方可感覺到搭住Stephy？他驚訝反問︰「有咩？唔知！無避開都幾有禮貌。」分手一年與舊愛重遇，會否特別感觸？他收起笑容謂︰「梗有感觸，愈講愈唔知講咩，有句說話好啱，懷念只係回憶，多過懷念一個人同一件事，人係會繼續向前行。」

撰文︰Pauline

編輯：黃寶恩

設計：梁政敏