港女自製排毒水 隨時胃抽筋

夏日來臨，女士們四處尋瘦身法寶，最近本港興起DIY Detox water，facebook網民紛紛分享自製用蔬果浸泡飲料，指維他命溶於水中並產生酵素，可排毒瘦身。有專家指溶水維他命有限，產酵素及排毒存疑，多飲隨時胃抽筋。

90後Doris早前見朋友紛紛在fb及Instagram洗版，上載自製Detox water，更有網民聲稱飲用一周瘦近兩公斤，令她躍躍欲試。「試過浸檸檬及青瓜嚟飲，覺得好酸，飲完仲有啲『削胃』，試咗幾日就唔敢再飲。」

生果浸水提取營養可信？生物及化學專家關志邦就指以水提取營養非百分百，只有水溶維他命C及B雜，經浸泡可提取水中，但油溶維他命如E（黑莓、牛油果）及K（番茄、椰菜花）則不能。「浸幾個鐘，維他命C在水中氧化變得不穩定，比即食生果流失更多維他命C。」對於浸泡蔬果產酵素，關指除木瓜、菠蘿及奇異果等外，大部分生果均不含酵素，而酵素需特定環境才可發揮作用，在清水活性較低。「例如紅酒及茶發酵需一定溫度及濕度，靠酶產生化學作用叫發酵。用凍水浸生果，見唔到有咩可能可產生酵素。」

腸胃及肝臟科專科醫生李玉棠直言Detox water排毒「無咩根據」，「排毒是指靠肝臟分解毒素，經膽汁及大便排出體外。生果的酶不會浸入水，要整個食落肚才有機會讓胃酸分解。」

整個食用最全面吸收

中大上消化道外科主任吳國偉說，檸檬汁及檸檬水酸性高，如飲過量飲用，可引起胃液倒流食道及胃部肌肉抽筋，形容病人胃部會有「揦住揦住」不適感覺。

香港營養學會會長丁浩恩則指，用水浸生果，維他命C因長時間接觸空氣而氧化，大大減低功效，而生果浸泡逾八小時，在一個有水、糖、氧氣環境，若製作及儲放地方不衞生，可能滋生細菌，飲用有機會引致肚瀉。他強調蔬果有豐富纖維及抗氧化成分，整個食用是最全面吸收的方法。

記者：翟秀娟