劉浩龍否認戀過阿詩

「師兄」劉浩龍與容祖兒拍拖甜蜜蜜，但昔日情史一再被挖出來。何韻詩日前自爆曾經有男性追求者，他現時已移情別戀，當大家都認為是指劉浩龍，師兄即詐傻說：「唔係咁搞笑吧！」

何韻詩日前接受黃秋生、黎芷珊的節目《燭光晚餐》訪問時，大方分享戀愛經歷。她自爆初戀對象是個男生，但亦暗戀過身邊的女性好友，可惜女友人與那位男性追求者現在一起了。此言令人聯想到「女友」容祖兒和另一半劉浩龍。

師兄昨日到新城電台宣傳新歌，談到阿詩口中所講的男友人似暗示他，師兄聞言後反應頗大表示：「唔會係我啩，我都冇追過佢，（當年同阿詩拍過拖？）唔係咁搞笑吧？唔係呀嘛？（咁你知道阿詩所指嘅人？）唔知佢講邊個喎，返去睇下（節目）先。」難道師兄突然如他的舊歌般「思覺失調」？他和阿詩早於08年傳過緋聞，當年還未「出櫃」的阿詩自爆因與許志安摸身摸勢而觸怒了另一半，碰巧當年她的緋聞男友正是師兄。傳媒又發現阿詩已在社交網站Instagram中，把容祖兒及劉浩龍雙雙OUT出追蹤行列。

與祖兒同病相憐

此外，聲音沙啞的師兄自言通宵拍MV，睡了兩小時便趕來電台，故此訪問時十分呆滯。他又表示早前到澳門拍新片《全力扣殺》，打羽毛球時不慎弄傷右膝舊患，照X光發現半邊身移位。祖兒可有予以安慰？他說女友的聲帶已好好多，反而自己變得五癆七傷，需要一段時間才醫好。

採訪：Pauline

編輯：陳禮恒