【聲明】港生活網站並無進行電話推廣活動

The One變玉桂狗樂園 荷里活送機票 MOKO換美容禮券

發佈時間: 2017/03/27

揭下日曆,萬眾期待的復活節假就快嚟到了﹗放假有乜好做?不外乎「行行街,打打卡」,黛安最近就睇中咗尖沙咀The One喺復活節為玉桂狗(Cinnamoroll)搞的時光遊樂園,商場入面除咗放滿肥啫嘟似棉花糖的玉桂狗,仲有旋轉咖啡杯、時空滑梯同鞦韆等主題場景畀人影相。為慶祝玉桂狗15歲,仲有多款獨家精品發售,消費300蚊可免費歎件cake,滿1,200蚊仲可換到玉桂狗茶具𠻹呀!

講到行街又點少得買嘢呢?行多幾步去旺角MOKO新世紀廣場就最啱掃春裝,公關姐妹就教路4月1至30日,只要下載商場的App,喺商場內買嘢、食嘢滿300蚊,就可換到1個電子印花,儲齊8個就可換到100蚊美容禮券!呢個優惠喺沙田新城市廣場都做緊㗎!

行到攰攰地,一家大細坐低「食食嘢,睇睇戲」都係指定動作。復活節咁多猛片上,黛安一早就mark實過去鑽石山荷里活廣場「去片」,事關商場由3月到11月都有「食飯有戲睇」優惠,喺指定17間食店食夠30蚊,憑單買戲飛即可當15蚊用;即日用番戲票飛尾,返去某啲食店食嘢又會有9折。

免費去花蓮旅行

荷里活廣場喺本周三(29日)起仲搞咗個「花蓮好靚輕旅節」,由台灣花蓮縣政府觀光處擺檔介紹當地特色,參加抽獎仲有機會贏埋香港直航花蓮機票、雙人住宿券、賞鯨券及泡湯券等大獎,想「快閃」出走易到極!

撰文: 黛安 消息特靈八卦公關
欄名: 八卦名利場