霆鋒Chok住煮《12道鋒味》舊片被翻Loop 粉絲：點解變笑片？

由演而優則煮的謝霆鋒主打內地飲食真人騷《12道鋒味》，已在去年播畢第三季，近日有網友翻Loop這位靚仔廚神的刀功及烹調技巧，網絡紅人King Jer（瓊姐）更剪輯成一段驚天地泣鬼神的Chok爆烹飪結集，短短一晚已在其FB專頁勁吸百萬點擊。不少粉絲驚訝霆鋒廚藝竟成笑柄，花生友則寸爆霆鋒有姿勢無實際，嘲諷他炮製「12道燶味」！

今年將踏入37歲的謝霆鋒，在影圈多年拍攝動作戲周身傷，自2014年開始，霆鋒製作的飲食真人騷《12道鋒味》於浙江衛視播出後獲得空前成功，他以靚仔廚神形象紅遍大中華，除了推出鋒味曲奇及月餅，去年更獲英皇投資以烹飪為題材的電影《決戰食神》。

《鋒味》FB專頁抽King Jer水

至於其轉型作品《12道鋒味》，去年已播至第三季，請來張曼玉、林憶蓮及范冰冰等天后級人馬擔任嘉賓。不過，近日有網民將霆鋒與蘇格蘭名廚Gordon Ramsay煮威靈頓牛排（Beef Wellington）的片段作比較，嘲諷他的烹調技巧並非真材實料，引來不少回響。

前晚，網絡紅人King Jer剪輯了霆鋒過往在《12道鋒味》的Chok爆下廚片段，剪輯成兩分鐘的結集，當中包括「腍過毛巾」的雞蛋仔、鋒式fing蕉、似雞子的叉燒分子料理，借節目片段抽水，寸爆霆鋒有姿勢無實際。

不少網友熱捧短片配上King Jer勁mean的字幕，好笑到肚痛，並嘲諷霆鋒太Chok、太造作。其後，謝霆鋒《鋒味》專頁於昨晨在King Jer的Post留言︰「《12道鋒味》嘅剪接真係要向King Jer學習！咁把刀就肯定唔會唔連shot！大家如果想睇霆鋒堅煮，畀多啲意見佢，甚至點佢煮多嚿魚同麻腩飯，請follow『謝霆鋒《鋒味》』專頁慢慢睇佢煎、蒸、煮、炸、燜、燉、焗啦。」乘機反擊兼借King Jer宣傳。

撰文︰Steven、Pat

協力︰Constance

編輯︰黃寶恩

插圖︰何樂

設計︰梁政敏