楊明莊思明拍拖一周年狂放閃

楊明前日與女友莊思明慶祝拍拖一周年，兩人分別在社交網大曬甜蜜合照。昨日楊明現身鑽石山宣傳新劇，他透露當日和女友重返兩人開始約會的餐廳慶祝，別具意義。楊明表示︰「好似拍咗拖好耐咁，我哋都係求其食餐飯，間餐廳係同事開。」楊明和莊思明都有互送對方禮物，問到何時送女友戒指（求婚）？楊明直言未有計劃，但就已認定對方為終身伴侶，他說︰「我就認定佢，佢就唔知，要問番佢。（去同一間餐廳求婚？）畀你哋踢爆就唔會喇。」