【聲明】港生活網站並無進行電話推廣活動

周六啟德夜跑 齊助奧比斯

發佈時間: 2017/04/05

好多打工仔平時成日坐,收工跑下步絕對有益身心。不過一個人跑係悶咗啲,黛安就等緊今個星期六(8日),同班fd齊齊去啟德跑道公園參加「海航‧奧比斯跑向光明」呢個活動,邊跑邊打卡仲可以幫奧比斯籌款,一次過滿足晒3個願望啦!

不過公關姐妹話滿足度絕對唔止咁少,事關原來當日傍晚6點半活動大使張智霖(Chi Lam)都會到場,想「野生捕獲」佢就要一早set定機啦。而且每個參加者除咗有番條靚靚夜光手帶做紀念品,籌款額最高頭三位仲可以贏到香港快運來回機票,同埋康泰旅行社禮劵,真正實現「助人自助」。

撰文: 黛安 消息特靈八卦公關
欄名: 八卦名利場