【聲明】港生活網站並無進行電話推廣活動

港安開素食烹飪班 黎瑞恩煮埋一份

發佈時間: 2017/04/06

講起素食好多人會聯想到「口淡淡」,其實食齋都可以健康好味又有益。黛安留意到港安醫院(荃灣)今個月20日開咗個素食烹飪班,畀$600就可以自己或者同1個朋友仔一齊學煮素食,包括雞豆漢堡扒、金銀燴同翡翠豆腐羮等,夠晒和味健康,而且全部都係「軟食」,就算無牙的長者都可以食得開心;想報名可致電2275 6338查詢,最多得24個位咋。

公關姐妹仲同話,原來當日除咗有得煮,仲有明星睇!事關崇尚素食的黎瑞恩(Vivian)當晚都會落場煮一煮。Vivian話平時都會煮下素食畀屋企人食,因為覺得有助健康,加上知道呢個廚藝班的收入會作慈善用途,用來向市民推廣健康生活同預防疾病,當然係義不容辭啦!

撰文: 黛安 消息特靈八卦公關
欄名: 八卦名利場