【聲明】港生活網站並無進行電話推廣活動

山頂蠟像館新體驗 增設「動漫遊戲世界」

發佈時間: 2017/04/07

平時去杜莎夫人蠟像館,最鍾意都係扮「野生捕獲」館中粒粒巨星,但呢排聽公關姐妹講,原來館內新增咗全球獨有的「動漫遊戲世界」,除左有得同麥兜、麥太、漫威超級英雄及Hello Kitty影相外,勁多小朋友鍾意的妖怪手錶及巴啦啦小魔仙都進駐咗,入場仲有得玩妖怪手錶拼圖手機遊戲,有機會拎埋特別版人氣角色𠻹。館方仲同日本「超級技術專家」團隊teamLab合作,整咗好多互動數碼作品展出,真係秒秒都有驚喜。

咁多卡通人物出現,小朋友一定Like。館方即日起至本月28日就推出港人專享優惠,香港居民只要憑身份證用正價買成人飛,就可免費帶一個3歲至11歲的小朋友入場,仲會有蠟像館「妖怪噗呢」貼紙換取特別版地縛喵B添。

撰文: 黛安 消息特靈八卦公關
欄名: 八卦名利場