Fred 何雁詩 十指緊扣認戀情

鄭俊弘（Fred）前日被爆背前未婚妻Beebs暗撻何雁詩，二人的關係也不斷「更新」。昨日傍晚何雁詩現身機場前往杭州工作，Fred則出現送機，登機前兩人接受傳媒訪問，最爆的是兩人由前日才說對對方有感覺，昨日已十指緊扣公開戀情。

鄭俊弘首先開腔︰「近日發生咗好多事，令到大家、屋企人都好擔心，所以我要出嚟澄清。」之後他深呼吸一口氣︰「我同Step（何雁詩）一路都係好好朋友嘅關係，無論音樂、人生嘅觀點都好相似，我同佢都經歷過感情上唔開心嘅事，我哋都好支持大家，一齊扶持！」他又說向來對感情事都是低調，因此之前一段感情不為外人所知，如今既然已結束，他發覺應該尊重及保護對方。

問他和何雁詩是否公開承認拍拖？Fred表示︰「我承認處理得唔好，好多謝阿Step對我嘅支持、愛護同信任，我同Step呢段感情係啱啱開始，我哋想珍惜同保護呢段感情，選擇咗唔公開，但因為噚晚一個報道，我一定要企出嚟澄清，一定要保護Stephanie，要承擔呢件事。」

何雁詩形容今次兩人企出來是勇敢的表現。而Fred不擔心事情會影響事業，反而看到fans的支持。問他們何時正式開始拍拖？兩人沒正面回應，只強調是完了一段感情才展開另一段關係。

何雁詩則承認早前與Fred一齊睇樓，但未諗到太長遠。她坦言承受好大壓力，但強調與自己的病情及拍劇無關。問到對這段感情可有信心？他們尷尬互望，何雁詩說︰「無信心都唔出嚟講。」送了何雁詩入閘後，Fred亦快速離開，沒有再受訪。

撰文：Pauline

編輯：黃寶恩

設計：K