與拳王曹星如撞樣 林海峰自嘲欠「質地」

林海峰（Jan）和Rubberband成員泥鯭一直被指樣貌極似，然而最近Jan又被發現與香港拳王曹星如撞樣，尤其兩人笑起來更似。他們昨日出席護膚品牌活動，同是有家室之人，同場也不忘分享家庭樂。

「神奇小子」曹星如和林海峰昨日到尖沙咀出席活動時，已被司儀指二人樣貌相似，當問到當事人可覺得似兩兄弟？Jan望一望曹星如笑謂︰「佢都唔似泥鯭！其實我哋兩個質地唔同，自己嘅質地（氣質）差好多，邊個高質心中有數啦！當然個人認為佢高好多。」

復活節舉家外遊

兩女之父的Jan被追問可有再做爸爸大計？他笑言暫時未有，那他又會否計劃趁復活節一家外遊？Jan暗示長假期會一家四口去旅行。問到兩個女已長大，仍肯跟父母去旅行？他繼續笑笑口謂︰「訂咗來回機票走唔甩，總之起點同終點大家一定會再次見到，中間可能大家分開玩都未定。」

採訪︰Pauline

編輯︰林梓添

設計︰梁政敏