招募小童編劇 改寫《愛麗斯》奇遇

小朋友充滿天馬行空嘅想像力，嚟緊就有機會將創意搬上大舞台！黛安就知道即日起至4月23日，奧海城Olympian Kids就聯同紫昕音樂世界的李紫昕（Purple姐姐），舉辦「小編劇．大招募」創意劇本寫作比賽，鼓勵小朋友為《愛麗斯夢遊仙境》嘅主角愛麗斯編寫全新經歷，可以係奇遇發生嘅地點、或者佢所遇見嘅人物及事物等方面嘅新奇遇等。

黛安向奧海城公關姊妹打聽過，今次比賽6至12歲嘅小朋友都可參加，作品要求係1,000字以下嘅中文劇本，劇情約5至10分鐘，Purple姐姐會選出1位最佳小編劇，劇本情節有機會搬上暑期童話音樂劇《愛麗斯夢遊仙境》嘅大舞台，得獎小編劇仲會獲得1,200元商務印書館書券，另外仲會選出5名創意小編劇，可獲得300元商務印書館書券。