黛安
黛安

MX半吋厚焗豬扒飯 鬆軟好味

發佈時間: 2017/04/11

MX半吋厚焗豬扒飯 鬆軟好味

早幾日黛安攞住《晴報》刊登的MX coupon,試食餐廳新宣傳的「很大唷!焗豬扒飯」,結果一試愛上!平時食豬扒飯,最怕塊扒太乾、太韌或太薄,呢份焗豬扒飯就寧舍好味,原來餐廳特地選用原塊半吋厚的優質肉眼豬扒,肉質鬆軟嫩滑,令人食指大動!仲有,黛安一向都覺得鬆軟的豬扒同炒飯係一對perfect match,金黃色的蛋炒飯,配搭秘製配方及新鮮蔬菜慢煮製成的惹味醬汁,加上新鮮切粒番茄及鮮甜菠蘿,非常醒胃,飯面仲更鋪上澳洲水牛芝士同意大利巴馬臣芝士,芝味濃郁!

如果鍾意食雞的話,不妨一試同時推出的「很大唷!焗雞扒飯」,重量級雞扒煎得甘香,鮮嫩多汁,一樣咁好味㗎!豬扒同雞扒飯於午市及晚市期間在全綫美心MX、MX及美心mx推出(大會堂、香港站、機場中場的美心MX及德福Market Place by Jasons除外),真心推介!

撰文: 黛安 消息特靈八卦公關
欄名: 八卦名利場