【聲明】港生活網站並無進行電話推廣活動

海洋公園動物月 $298約會海獅

發佈時間: 2017/04/11

黛安一向都好鍾意動物,噚日收到海洋公園公關姊妹message,話佢哋今個星期五(14/4)開始,會舉行為期1個月嘅「親親動物月」,遊客可近距離接觸企鵝、二趾樹懶、北極狐、小爪水獺、金剛鸚鵡、禿鷲、犀鳥等稀有動物,但黛安最期待係重頭戲「約會海獅」,到時仲可以親身摸摸海獅同埋合照𠻹!

活動二人同行價係$298,持有「智紛全年入場證」嘅朋友,二人同行只需要$135至$144就可參加活動,即最平每人最低只需$68!另外,6月30號前仲可以約會其他動物,包括海豚、企鵝同埋國寶大熊貓,二人同行收費$598至$2,070。約會可以幾親密?公關姊妹話,以約會大熊貓為例,參加活動嘅朋友可以走入大熊貓屋企,同埋親身體驗為佢哋炮製營養美食嘅樂趣,亦可了解大小熊貓起居飲食,同埋認識保育方法㗎。

撰文: 黛安 消息特靈八卦公關
欄名: 八卦名利場