陳百祥護眼有方

昨午跟《蝦仔嗲哋》一班朋友飲茶，出席者有戚美珍、賈思樂、鵬哥、大姐明、黃日華、阿苗等人，如果不是再推出這個舞台劇，好難見到咁人齊，可惜叻哥有事未能出席。

《蝦仔嗲哋》今年在九展捲土重來，主要為明星足球隊籌款。明星足球隊一向有個慈善基金，探訪及派飯畀一些獨居老人，等他們老有所依。

講開叻哥，最近發現佢睇嘢，完全不用戴老花眼鏡，冇理由喎！他已屆老花年齡，點解眼仔咁精靈？叻哥立即發揮「叻哥本色」，說自從1993年看了一段林燕妮的專欄，教人以馬鈴薯一個、蘋果半個及紅蘿蔔一根，連皮榨汁，連渣一齊飲，每天早上飲一杯，隔一小時才吃早餐，日子有功，過兩、三月視力就大有進步。

最低限度，叻哥這樣的年紀就完全冇老花眼，他手上只有太陽眼鏡，冇花冇假。

「阿倫及志偉不知幾羨慕我，在一個黑暗的地方，我依然睇到報紙。」秀姑怕寒涼冇飲就真係有老花，唔到你唔信喎！

(本欄逢周五刊登)