「是非精」加新血 森美︰唔紅就留低

森美、麥美恩等昨日錄影節目《學是學非》，並宣布加入應屆港姐馮盈盈（Crystal）、劉穎鏇（Tiffany）及張寶兒做新一代「是非精」。談到加入新陣容，森美笑說︰「嗰啲紅嘅（黃心穎、李佳芯、張秀文）去晒拍劇，咪留番啲唔紅嘅喺度囉！不過平均年齡拉低番，智商又高番啲。」

麥美恩透露早前與Tiffany及張寶兒到日本為節目拍外景，原來想拍浸溫泉，卻遭導演否決。問到可有艷遇？森美笑言美恩可以演「飢渴熟女」，又揶揄她樣子不夠標緻︰「不如考慮去外國拍啦，外國人唔識分中國人點為之靚，大把市場。」問到何不找美恩的緋聞男友許文軒加入「是非精」？森美繼續踩她︰「佢有人要就好囉！」美恩隨即聲綫溫柔地跟森美說︰「我要做『梁』家婦女！」令森美哭笑不得。