幫迪士尼推廣惜食 城大生贏$1.5萬資助

從小父母就話做人要「有衣食」。香港每日產生逾3,000噸廚餘，迪士尼樂園度假區連同膳心連、香港青年協會賽馬會Media 21媒體空間，舉辦48小時惜食Social Media市場策劃大賽，仲邀請到男神王宗堯、游學修，同「大嘥鬼」參與部分隊伍拍攝！

游學修飾男主角

黛安所知「#識講惜食爆橋營」一共有17隊大專生同18至25歲年輕人團隊報名，最終8隊入圍。隊伍在本月14至16日參與密集式培訓，成功「取經」後，便需在之後48小時施展渾身解數，把「惜食」信息在新媒體上「爆」發開去。大賽最後一天，「大嘥鬼」幕後創作團隊更分享，如何推廣「惜食」課題，以及善用社交媒體宣傳。

城大市場營銷學系隊伍最後榮獲「#識講惜食爆橋營最強團隊」！短片由游學修飾演男主角，最終選擇懂惜食、愛環保伴侶，14小時間已吸引了逾14,000人次瀏覽，接觸群眾逾30,000人。佢哋獲迪士尼樂園度假區實習體驗，並贏取$15,000資助，並夥拍迪士尼市場策劃團隊，實踐推廣惜食文化Social Media計劃。另外兩隊贏得「#識講惜食爆橋營創新團隊」及「#識講惜食爆橋營合拍團隊」的參加者，亦會獲得1日工作體驗機會。

其實迪士尼三年前已與膳心連推行「剩食捐贈計劃」，一星期一連五日，在樂園內及兩間酒店餐廳收集可供食用剩食，再由迪士尼廚師設計餐單及炮製營養均衡膳食，由機構送到東涌、青衣及深水埗等地區，真係好有意義呢！