【聲明】港生活網站並無進行電話推廣活動

跟專業教練 免費學划龍舟

發佈時間: 2017/04/18

龍舟迷注意!只要你係16歲或以上,又熱愛龍舟就要留意喇!雖然復活節啱啱過咗,但端午節好快就嚟,黛安八卦到香港仔龍舟競渡大賽委員會,將會喺4月23、30號及5月7、13、20號舉行「夏日激浪龍舟同樂日」,安排專業教練喺香港仔避風塘,免費向大家教授划龍舟前嘅熱身練習、划龍舟技巧、下水練習,仲可以在指定時間內任意選擇。

委員會話「香港仔龍舟競渡大賽」有超過百年歷史,多年嚟都喺避風塘賽道舉行,加上周邊漁民都好熱愛龍舟,不知不覺就形成一股獨特的漁民龍舟文化。有興趣參加龍舟同樂日嘅朋友,可到fb專頁「香港仔龍舟競渡大賽」了解詳情同報名,又或致電2572 1282查詢,團體或學校都可以報名,最少5人,最多18人,參加完記得拎埋紀念品呀!

撰文: 黛安 消息特靈八卦公關
欄名: 八卦名利場