【聲明】港生活網站並無進行電話推廣活動

女友捧3場《風雲》 嘉穎諗定要生女

發佈時間: 2017/04/18

由鄭嘉穎、謝天華及譚耀文等演出的《風雲5D音樂劇》,前晚在紅館謝幕。尾場除了馬國明及唐詩詠等現身欣賞外,嘉穎的女友陳凱琳(Grace)三度捧場,當嘉穎走近台邊,Grace更與男友互相撫摸對方的面頰,sweet到爆。

音樂劇結束後,全體演員到後台舉行祝酒,嘉穎表示每唱一首歌就似上完一課︰「做演員已經20年,但做歌手就好似係上世紀嘅事。」天華則謂能參與該劇是夢寐以求,但笑言一定不會再留長髮。他坦言兒子見到自己長髮造型後喊起來︰「佢好疑惑,因為認唔出我,但又認得我把聲。」

開騷前嘉穎曾指今次演出瘦了20磅,完騷後的他表示︰「食番餐、瞓番個好覺,可以休息一排,聽日一定畀自己放假。」天華翌日便要到布達佩斯,會合鄭伊健,小春等為電影開工。嘉穎隨即指天華兒子還小,要賺錢供兒子上大學。天華就踢爆嘉穎喜歡女兒,嘉穎立刻警告對方不要讓兒子日後「搞」他女兒。

阿譚重返樂壇睇緣份

飾演無名的譚耀文(阿譚)表示能順利完成六場是鬆一口氣,當晚他邀請葉德嫻睇騷,對方在完騷後亦傳短訊給予讚賞。已多年沒有踏足樂壇的阿譚坦言,之前是沒有信心,但獲朋友讚賞已感滿足,一對子女都有捧場。問到會否重返樂壇?他表示︰「隨緣啦,今次覺得好特別嘅係既要唱歌又要做戲,好有滿足感,亦對音樂劇產生興趣。」

撰文︰Pauline

編輯︰林梓添

設計︰梁政敏