封「最差演技藝人」第7位 坤哥︰有人睇至有人鬧

吳業坤最近唱而優則演，拍劇之餘更憑電影《幸運是我》角逐最佳新演員獎，可惜落敗。相反，坤哥更被網民選為「最差演技藝人」第七位，擁有阿Q精神的他不怒反笑，甚至反問︰「明年係咪要進軍三甲？」

今日是坤哥27歲生日，昨日他在銅鑼灣舉行《KwanGor Live in Hong Kong》DVD簽唱會，獲歌迷提早為他慶生。坤哥除了獻唱歌曲，還與歌迷玩遊戲大派禮物，最後全場一齊唱生日歌，令坤哥非常感動。不過，坤哥在生日前收到一份「特別」的禮物，就是網上「最差演技藝人」調查中，坤哥排名第七，蔡思貝則登榜首。

一貫性格樂天的他表示會欣然接受，更笑言︰「其實都開心嘅，我問阿田（田蕊妮）會唔會出街畀人鬧，佢安慰我話有人睇先有人鬧，我有1689票，我會提醒自己以後要繼續努力。」

生日願望出新歌

問他如何慶祝生日，他說要讓自己好好休息，「每年生日都約朋友飲嘢、唱K，到翌日又覺得好空虛，所以今年減少呢類活動，希望同家人一齊過生日。」

談到生日願望，他希望盡快有新歌，被問到會否加緊「惡補」舞步？他笑言︰「要逐步嚟，其實跳得差畀大家笑下，都係將開心帶畀大家呀。」

採訪︰Pauline

攝影︰林良明

編輯：陳禮恒

設計：招潤洪