黛安
黛安

小學生倡保護海洋 設計摩天輪車廂

發佈時間: 2017/04/20

小學生倡保護海洋 設計摩天輪車廂

幾時都話環保意識要從小培養,黛安知道香港摩天輪同海洋公園保育基金,最近合辦「轉出生態道」小學生摩天輪車廂設計比賽,鼓勵學生用創意宣揚保育信息。摩天輪由即日至5月12號,展示咗40款色彩繽紛嘅得獎設計摩天輪車廂,讓大家以實際行動保護海洋。摩天輪仲會捐出今個月門票收益嘅百分之一,支持海洋公園保育基金科研、教育同保育工作,認真有意義呀!

海洋公園保育基金總監蔣素珊話,希望透過活動畀大眾知道,每人貢獻一小步足,就可以令野生生態同地球帶來正面影響,「例如每日自備水樽、購買凍飲時走飲管,已經可以減少即棄塑膠垃圾數量,減少製造海洋垃圾嘅機會。」睇嚟黛安都要立即行動,為保護地球出一分綿力!

撰文: 黛安 消息特靈八卦公關
欄名: 八卦名利場