傳秘戀小方3個月 陳瀅唔覺有人追

方力申（小方）和鄧麗欣分手剛滿一年，最近有傳小方秘戀「宅男女神」陳瀅（Jeannie），而為兩人牽紅綫的正是女方好友糖妹（黃山怡），報道更指小方和陳瀅早前在蘭桂坊酒吧密會兩小時。

陳瀅昨日到尖沙咀為劇集《全職沒女》宣傳，談到與小方秘戀三個月一事，Jeannie解釋︰「只係朋友嚟，幾時識就唔記得啦，不過上年同前年都有一齊出席活動，做呢行來來去去都唔係好多人啫。（覺唔覺佢追你？）唔覺。」對於報道指她極冧小方，Jeannie坦言︰「朋友唔係男就女，唔係男性朋友就拍拖嘛。」問到可有發展機會，她表示沒有諗過。

Jeannie稱日後即使與小方見面都不覺尷尬。有指兩人在酒吧密會，她笑言︰「中環又點可能無人知？（好多朋友幫小方脫獨？）問番佢朋友啦！」不過她自爆沒有男仔追求，更苦笑謂再被寫下去就真的沒有人敢追。那她驚變「沒女」嗎？她說拍完這劇後，學會對自己的事業要有希望和鬥心。

張振朗擺脫Chilam影子

張振朗對於新劇收視及口碑都不錯感到開心，尤其他飾演的富二代，獲讚終於擺脫張智霖的影子，而陳瀅對他放電更被形容是網民福利，自認怕羞仔的張振朗直言拍攝時覺得很尷尬。其中幾場戲僅穿內褲、露出白滑皮膚被網民指「白白滑幾好舔」，那可擔心女友陳芷尤介意？張振朗笑謂︰「佢喺《心理追兇》都有咀其他人啦！（報復？）唔係，工作好正常。」

採訪︰Pauline

編輯︰林梓添

設計︰K