馬國明讚心穎出浴好靚

馬國明、王君馨及裕美等昨日宣傳劇集《心理追兇》，馬明坦言有留意緋聞女友黃心穎近日拍攝的出浴戲，更大讚女方好靚，不過他表示仍未得閒約心穎出街了解對方。

馬明與心穎正忙拍新劇《宮心計2深宮計》，提到心穎出浴劇照曝光，他笑說︰「我有睇報紙，拍攝當晚無我份，我都無去監場，不過公司好細心準備暖水。（覺得心穎如何？）靚，套劇個個都靚，連宮女都靚。」雖然馬明早前與心穎第二次約會，但未有時間約第三次。「未有突破性發展，其實睇戲無咩特別，自己分清楚界綫就得。（同心穎的界綫如何？）了解中。」

裕美否認戀上樂易玲幼子

裕美被周刊拍得在曾志偉生日會上，與樂易玲幼子Ryan捉手錫面珠，她昨日否認說︰「啲相好假，我哋無拖手、無錫面！」

撰文︰李潔盈

編輯︰林梓添

設計︰李明