拍片撑《拆彈專家》首映 華仔：好快可以跑跑跳跳

電影《拆彈專家》前晚舉行首映禮，吳卓羲、姜皓文、廖啟智及黃日華等均有出席，戲中主角劉德華因傷未癒，無法現身，但活動開始時就播出他的錄影短片，眾人不忘為華仔打氣。

大會先播出劉德華的錄音片段，華仔以戲中角色表示︰「大家好，我係爆炸品處理課嘅高級督察章在山，我今日有突發事在身，嚟唔到現場，但有一班手足同大家解除危機。」其後再播出一條片段，見到華仔相當精神，他坐在輪椅向大家打招呼︰「多謝大家配合，現場危機已經解除喇。」

隨後，華仔繼續說︰「唔係你話想宣傳就得嘅，要上天批准㗎，所以個天就要我休息一輪，希望我可以再精精神神咁見到大家。」他的聲綫有點沙啞，但仍感謝戲中一眾好友，以及台前幕後工作人員。華仔續說︰「佢哋未來會代替我『用生命保護生命』，去到世界各地宣傳。」接着向導演承諾一定會好快可以跑跑跳跳，談談笑笑出現。

吳卓羲恨拍拖

吳卓羲對於華仔日前站起來為大家打氣，他坦言︰「華哥真係好好，永遠都係報喜不報憂，希望佢快啲好番。」已單身一段日子的他，自嘲生活似個宅男，坦言很想拍拖，可惜工作太忙。

此外，姜皓文早前失落金像獎最佳男配角獎，他坦言沒有失望，亦不覺得曾志偉的得獎言論是暗寸他，希望將來同志偉合作拍戲。

撰文︰Pauline

編輯：陳禮恒

設計：K